سعوديه عربستانیده‌گی «ابها» هوا میدانیگه قیلینگن هجومنی قاره‌له‌دی.
پاکستان باش وزیری بوگون (جمعه، ۱۷میزان) ایکس اجتماعي ترماغیده اعلان قیلگن پُستیده شونده‌ی یازدی: «حوثی جنگریلر اوشبو هجوملرنی زودلیک بیلن توخته‌تیشی کېره‌ک. بیز بو تهدیدلرگه قرشی سعوديه عربستانی بیلن یېلکمه-یېلکه توره‌میز».
شهباز شریف «مککه بیتیمی»گه اشاره قیلیب، اوشبو بیتیم اعضالری.نینگ سعوديه عربستانی قیراللیگی سووېرېنیتېتی، حدودي یخلیتلیگی و خوفسیزلیگینی تأمینلش باره‌سیده‌گی مجبوريتی قطعي اېکنینی تأکیدله‌دی.
او، شونینگدېک، «سعوديه عربستانی‌نینگ اۉز خلقینی حمایه قیلیش همده شهرلری و مهم تاسیاستلرینی محافظه اېتیش بۉییچه قانوني حقوقی»نی تۉلیق قۉللب-قوّتلشلرینی بیلدیردی.
حوثیلر ایکّی کون اوّل سعوديه عربستانیده‌گی اوچته هوا میدانیگه، جمله‌دن، ریاضده‌گی قیرال خالد خلق‌ارا اېر‌پورتیگه هجوم قیلگنینی اعلان قیلگن اېدی.
سعوديه عربستانی اوشبو هجوملرده کمیده اوچ نفر تینچ اهالی وکیلی هلاک بۉلگنینی، ینه بیر نېچه کیشی یره‌لنگنینی تصدیقله‌دی.
