افغانستاندن بۉلگن، فرانسه‌ده استقامت قیله‌یاتگن سپورتچی ذکيه خداداد«گرندپری پاراتکواندوی بۉییچه پاریس-۲۰۲۶» مسابقه‌سیده کوموش مدالنی قۉلگه کیریتدی.
اوشبو مسابقه جمعه کونی (۱۷-میزان) فرانسه نینگ «لووالوا پره» شهریده اۉتکزیلدی.
۲۸یاشلی ذکيه خدادای عیاللر اۉرته‌سیده ۴۷ کیلوگرامگچه بۉلگن وزن طایفه‌سیده مسابقه‌ده اشتراک اېتدی و ایکّی غلبه‌دن سۉنگ فینال باسقیچیگه یۉل آلدی.
ذکيه فینال بحثیده کلودیا رومرو از مکزیک مغلوب بۉلیب، کوموش مدالنی قۉلگه کیریتدی.
خدادادی انستاگرام اعلان قیلگن پیامیده اوشبو نتیجه‌گه اېریشگنیدن فخر و غرور حس قیله‌یاتگنینی بیلدیرگن.
او شونده‌ی یازگن: «کېتمه-کېت قۉلگه کیریته‌یاتگن مداللریم مېنینگ قرشیلیک کۉرسه‌تیشیم، کوره‌شیم و تسلیم بۉلمسلیگیم نینگ بېلگیسیدیر.»
ذکيه قۉشیمچه قیلگن: «مېن فقط اۉزیم اوچون کوره‌شمه‌یه‌پمن. مېن برچه چېکلاولرگه قره‌مه‌ی، حلی هم آرزو قیله‌یاتگن و آزادلیک همده تېنگلیک اوچون کوره‌شه‌یاتگن مینگلب افغان عیاللری نینگ آوازیمن.»
او اۉتگن آی پاراتکواندو بۉییچه جهان گرندپری مسابقه‌سیده برونز مدالنی قۉلگه کیریتگن اېدی.
عینِ پیتده افغانستان ایچکریسیده طالبلر عیاللرگه سپورت بیلن شغللنیشگه رخصت بېرمه‌یاتگن بیر پیتده، خارجگه کۉچیب کېتگن افغانستانلیک عیال سپورتچیلر خلق‌ارا میدانلرده کتّه یوتوقلرگه اېریشیب، اۉز مداللرینی دایما افغانستان عیاللریگه بغیشله‌ماقده.
ذکيه خدادادی انه شونده‌ی یاش عیال سپورتچیلردن بیریدیر. او پاراتکواندو یۉنه‌لیشیده سۉنگگی اوچ ییل ایچیده ایکّی مرته اروپا چمپیونی بۉلگن و پاریس-۲۰۲۴ اۉیینلریده مدال قۉلگه کیریتگن افغانستاندن بۉلگن ایلک عیال صفتیده تاریخگه کیرگن.
