اروپا اتفاقی دانمارکلیک دیپلومات «توماس فرلسن»نی افغانستان بۉییچه ینگی مخصوص نماینده‌سی اېتیب تعیینله‌دی.
او تیناوون، جمعه کونی ۱۷-میزان) ایکس اجتماعي ترماغیده نشر قیلگن پُستیده افغانستان بۉییچه اروپا اتفاقی نینگ مخصوص وکیلی صفتیده‌گی فعالیتینی باشله‌گنینی یازگن.
«توماس فرلسن»نینگ تأکیدلشیچه: «افغانستان خلقی، اینیقسه عیاللر و قیزلر، اروپا اتفاقی نینگ همکارلیک و ملاقاتلری مرکزیده بۉلیب قاله‌دی. منطقه‌ده‌گی و اوندن تشقریده‌گی همکارلریمیز بیلن همکارلیک قیلیشنی اینتیقلیک بیلن کوتیه‌پمن.»
«توماس فرلسن» فرانسه‌لیک دیپلومات ژیل برتران نینگ اۉرنینی اېگه‌لله‌دی. برتران سپتمبر آیی نینگ آخریده افغانستان بۉییچه مخصوص وکیل صفتیده‌گی فعالیتینی یکونله‌گن اېدی.
او بوندن آلدین اروپا اتفاقی نینگ تشقی علاقه‌لر خدمتیده فعالیت یوریتگن. شونینگدېک، او اروپا کمیسیونی نینگ مسکوده‌گی وکالت‌خانه‌سیده سیاسي بۉلیم رهبری لوازمیده ایشله‌گن.
