طالبان تشقی ایشلر وزیرلیگی سعوديه عربستانیده‌گی هوا میدانلریگه اویوشتیریلگن سۉنگگی هجوملرنی «اچینرلی» دېب اته‌ب، تینچ اهالی نینگ حیاتی و خوفسیزلیگیگه قرشی هر قنده‌ی هجومنی قاره‌لشینی بیلدیردی.
مذکور وزیرلیک بوگون (دوشنبه، ۲۰-میزان) نشر قیلگن بیاناتیده زۉرآورلیک‌نینگ کوچه‌ییشی و ماجرامینگ کېنگه‌ییشی بوتون منطقه‌ده‌گی خوفسیزلیک و برقرارلیککه تهدید ساله‌یاتگنینی تأکیدله‌گن.
طالبلر تشقی ایشلر وزیرلیگی شونده‌ی دېگن: «برچه تامانلردن اۉزلرینی تيیشنی، وضعیتنی ینه‌ده کېسکینلشتیره‌دیگن هر قنده‌ی حرکتدن قاچیشنی همده زۉرآورلیکنی کمه‌یتیریش و تینچ اهالی نینگ خوفسیزلیگینی تأمینلش اوچون ضرور چاره‌لرنی کۉریشنی سۉره‌یمیز.»
سۉنگگی ایکّی کون ایچیده سعوديه عربستانیده‌گی هوا میدانلری حوثيلر تامانیدن راکت و دران هجوملریگه اوچره‌گن.
کېچه ریاض هوا میدانیگه اویوشتیریلگن هجوملرده بیر پاکستانلیک فقرا هلاک بۉلگن، ینه بیر نېچه کیشی جراحتلنگن.
شونینگدېک، شنبه کونی ریاض‌ده‌گی قیرال خالد اېر‌پورتیگه اویوشتیریلگن هجوملرده ۱۲ کیشی هلاک بۉلگن.
مذکور هجوملر سببلی ریاض هوا میدانیدن عملگه آشیریله‌دیگن پروازلر توخته‌تیلگن.
