ایران‌نینگ خراسان رضوی ولایتی چېگره قۉشینلری قوماندانلیگی افغانستان بیلن چېگره‌ده گیاهوند مادّه‌لرنی مصادره قیلیش حالتلری تۉرت برابر آشگنینی معلوم قیلدی.
خراسانی رضوی ولایتی چېگره قۉشینلری قوماندانی مجید شوجا بوگون (دوشنبه، ۲۰-میزان) ایران نینگ ایرنا اخبارات آژانسیگه بېرگن صحبتیده جاري ییل نینگ دستلبکی آلتی آییده افغانستان بیلن چېگره‌ده جمعی ۱.۵ تُن گیاهوند مادّه، جمله‌دن، تریاک، هیروئین و گیاهوند مادّه‌لر انیقلنیب، مصادره قیلینگنینی ایتدی.
شوجا نینگ ایتیشیچه، جاري ییل نینگ بیرینچی یرمیده اوشبو ولایت‌نینگ افغانستان بیلن چېگره‌سیده گیاهوند مادّه‌لرنی مصادره قیلیش مقداری اۉتگن ییل‌نینگ شو دوریگه نسبتاً عمومي حسابده ایکّی برابر آشگن. «شیشه» کبی تریاک، هیروئین گیاهوند مادّه‌لرنی مصادره قیلیش اېسه تۉرت برابر کۉپه‌یگن.
اونینگ قۉشیمچه قیلیشیچه، خراسانی رضوي ولایتی نینگ افغانستان بیلن چېگره‌سیده مصادره قیلینگن گیاهوند مادّه‌لر نینگ اساسي قِسمینی آپي و اوندن آلینه‌دیگن تریاک، هیروئین کبی مادّه‌لر تشکیل اېته‌دی. شونگه قره‌مه‌ی، مصادره قیلینگن مادّه‌لر نینگ قریب ۳۰ فایزی سینتېتیک گیاهوند مادّه‌لرگه تۉغری کېله‌دی.
شوجا نینگ تأکیدلشیچه، گیاهوند مادّه‌لر جمعی مصادره قیلینگن مادّه‌لر نینگ ۳۰ فایزینی تشکیل اېتسه-ده، افغانستان بیلن چېگره‌ده «شیشه» و باشقه سینتېتیک گیاهوند مادّه‌لرنی مصادره قیلیش حالتلری اۉتگن ییلگه نسبتاً تۉرت برابر آشگن.
خراسانی رضوی ولایتی چېگره قۉشینلری قوماندانی گیاهوند مادّه‌لر نرخی نینگ آشیشی و افغانستانده اوشبو تورده‌گی مادّه‌لر ایشلب چیقریش نینگ کېنگه‌ییشینی ایران چېگره‌سیده «شیشه» مصادره‌سی اولوشی کۉپه‌ییشی نینگ اساسي سببلریدن بیری صفتیده کۉرسه‌تدی.
بیرلشگن ملتلر تشکیلاتی نینگ گیاهوند مادّه‌لر و جنایتچیلیک بۉییچه باشقرمه‌سی هم طالبان نینگ افغانستانده عنعنوي گیاهوند مادّه‌لرنی یېتیشتیریش و سوداسیگه قرشی چاره‌لریدن سۉنگ مملکتده سینتېتیک گیاهوند مادّه‌لرنی ایشلب چیقریش، ساتیش و استعمال قیلیش کۉپه‌یگنینی تصدیقله‌گن.
بیرلشگن ملتلر تشکیلاتی‌‌نینگ سۉنگگی حساباتیگه کۉره، تریاک، هیروئین یاکه «شیشه» حاضرده جَنوبی-غربي آسیا و یقین شرقده تورکومیگه منسوب مصادره قیلینگن ستیمولیه‌تار مادّه‌لر نینگ اساسي قِسمینی تشکیل اېته‌دی. شونینگدېک، افغانستانده گیاهوند مادّه‌لرنی استعمال قیلووچیلر نینگ قریب ۷ فایزی «شیشه» استعمال قیله‌دی.
