توماس فریلسن، اروپا اتفاقی‌نینگ افغانستان بۉییچه ینگی مخصوص وکیلی کابلگه سفری چاغیده طالبان نینگ تشقی ایشلر وزیری امیرخان متقی بیلن اوچره‌شیب، خوفسیزلیک مسأله‌لری و گیاهوند مادّه‌لر بیلن کوره‌شیش باره‌سیده مذاکره اۉتکزدی.
طالبلر تشقی ایشلر وزیرلیگی بوگون (سه‌شنبه، ۲۱ میزان) فریلسن و متقی اوچره‌شگنی حقیده بیانات بېریب، تامانلر خوفسیزلیک، گیاهوند مادّه‌لر بیلن کوره‌شیش، گومانیتار مسأله‌لر و سیاسي موضوعلر یوزه‌سیدن صحبتلشگنینی معلوم قیلدی.
وزیرلیک‌نینگ معلوم قیلیشیچه، متقی فریلسم بیلن اوچره‌شووده خلق‌ارا همجعیت نینگ گیاهوند مادّه‌لرنی جلولش اوچون ضرور یاردم کۉرسه‌تیشده‌گی سستکه‌شلیگیدن شکایت قیلگن.
بیاناتده شونده‌ی دېییله‌دی: «تشقی ایشلر وزیری خلق‌ارا همجعیت ضرور یاردملرنی، جمله‌دن، دهقانلر اوچون مقابل تیریکچیلیک منبعلرینی قۉللب-قوّتلش یاکه افغانستانده گیاهوند مادّه‌لرنی جلولش باره‌سیده اېریشیلگن نتیجه‌لرنی سه‌قلب قالیش اوچون باشقه ضرور چاره‌لرنی کۉریشده سستکه‌شلیک قیلگنینی تأکیدله‌دی».
وزیرلیککه کۉره، اروپا اتفاقی نینگ مخصوص وکیلی اتفاق نینگ رسمي موضعی «افغانستانده خوفسیزلیکنی مستحکملش و گیاهوند مادّه‌لر بیلن کوره‌شیشنی قۉللب-قوّتلش»دن عبارت اېکنینی بیلدیرگن.
طالبلر تشقی ایشلر وزیرلیگی فریلسن تورلی ساحه‌لرده همکارلیک قیلیش اوچون سعی-حرکت آلیب باریشگه وعده بېرگنینی اَیتماقده.
بو فریلسن نینگ اروپا اتفاقی‌نینگ افغانستان بۉییچه مخصوص وکیلی صفتیده‌گی کابواگه ایلک سفری حسابلنه‌دی. او تیناوون طالبان نینگ ایچکی ایشلر وزیری سراج‌الدین حقّاني بیلن هم اوچره‌شگن اېدی. فریلسن سپتمبر آییده وکالتی یکونلنگن فرامسيه‌لیک دیپلومات اۉرنینی اېگه‌لله‌گن.
