بیرلشگن ملتلر تشکیلاتی‌نینگ باش کاتبی آنتونیو گوترش ۲۰۲۷-ییلده «افغانستان بۉییچه مستقل تېرگاو میکانیزمی»نی کوچه‌یتیریش اوچون ۳.۲ میلیون دالر اجره‌تیشنی تکلیف قیلدی.
بیرلشگن ملتلر تشکیلاتی‌نینگ باش کاتبی بو پیشنهاد تیناوون(سه‌شنبه، ۲۱-مزان) بیرلشگن ملتلر تشکیلاتی‌نینگ نینگ بېشینچی کمیته‌سیگه ینگی بودجه تقدیماتی چاغیده ایلگری سوردی.
گوترش نینگ ایتیشیچه، «اوشبو قۉشیمچه مبلغلر میکانیزم فعالیتینی کېنگه‌یتیریش اوچون هم شتات بیرلیکلری، هم شتات بیلن باغلیق بۉلمه‌گن خرجتلر اوچون ضرور».
بیرلشگن ملتلر تشکیلاتی‌نینگ باش کاتبی، شونینگدېک، ینگی اۉزگرتیریشلرده بو خرجتلر بیرلشگن ملتلر تشکیلاتی‌نینگ افغانستانده‌گی یاردم اداره‌سی (یوناما) بودجه‌دن قیسقرتیریشلر حسابیگه قاپلنیشی، ینگی لوازملر تشکیل اېتیلیشی و موجود لوازملر قَیته تقسیملنیشی آرقه‌لی موازنتلشتیریلیشینی ایتدی.
بیرلشگن ملتلر تشکیلاتی‌نینگ باش کاتبی تشکیلات نینگ ۲۰۲۷ییل اوچون تکلیف اېتیله‌یاتگن بودجه‌ینی ۳ میلیارد ۳۰۲میلیون اقش دالری مقداریده بېلگیله‌گنینی و بو بودجه ۱۱ مینگ ۱۵۰ته شتات بیرلیگینی اۉز ایچیگه آلیشینی معلوم قیلدی.
اونینگ قۉشیمچه قیلیشیچه، نایروبی‌ده‌گی ییریک قوریلیش لایحه‌لری و جنواده‌گی استراتژیک میراث رېجه‌سی حسابگه آلینسه، بو مبلغ ۳ میلیارد ۴۰۸میلیون امریکا دالریگه یېته‌دی.
آنتونیو گوترش‌نینگ ایتیشیچه، اوشبو بودجه ۲۰۲۶-ییل اوچون تصدیقلنگن بودجه‌گه نسبتاً قریب ۱.۲ فایزگه، یعنی ۴۰.۸ میلیون دالرگه کمه‌یگن.
بیرلشگن ملتلر تشکیلاتی‌نینگ باش کاتبی بو مبلغلر تشکیلات نینگ اوچته اساسي یۉنه‌لیشی تینچلیک و خوفسیزلیک، برقرار رواجلنیش همده انسان حقوقلری بیلن باغلیق فعالیتلرگه صرفلنیشینی ایتدی.
