افغانستان شیعه‌لری‌نینگ دیني مرجعه‌لریدن بیری آیت‌الله واعظزاده بهسودی مملکت شیعه‌لری اوچون یقینده یوزه‌گه کېلگن معمالرنی رسانه آرقه‌لی کۉترمسلیگینی اَیتماقده. اونینگ تأکیدلشیچه، اگر طالبلر رسميلری بیلن «یاپیق ییغیلیش» اۉتکزیلسه، «او یېرده همه نرسه‌نی ایته‌دی».
بهسودی بوگون (چهارشنبه، ۲۲-میزان) کابل‌ده سۉزله‌گنیده، «موجود وضعیتنی قنده‌ی بۉلسه، شونده‌یلیگیچه یاریتمه‌یپتی»، دېدی. اونینگ قۉشیمچه قیلیشیچه، معمالر اجتماعي ترماقلر و عامه‌وي اخبارات واسطه‌لریده کۉتریلسه، «فایده کېلتیریش اۉرنیگه، ضرر یېتکزه‌دی».
اونینگ ایتیشیچه، طالبلر افغانستان‌ده حاکمیتنی اېگه‌لله‌گنیدن بویان اۉتگن بېش ییل دوامیده او «خیرخواه» صفتیده نمایان بۉلیب، «مصلحتلر بېرگن، خیریخاهلیک قیلگن، یۉل-یۉریق کۉرسه‌تگن و نصیحت قیلگن». بېهسۉدي بوندن کېین هم اَیریم «کمچیلیک و نقصانلرنی» برطرف اېتیشگه چقیریشینی بیلدیردی.
واعظزاده بگونگی نطقی نینگ بیر قِسمیده رسانه‌نی کېسکین تنقید قیلیب، «اَیریم عامه‌وي اخبارات واسطه‌لری» آدملرنی «یامانلیککه چارله‌یاتگنی»، «آلاوگه بنزین سېپه‌یاتگنی» و «خبرلرنی شونده‌ی قیزیتیب یاریته‌یاتگنی، حتا خبرنی ایته‌یاتگن آدم نینگ اۉزی هم بوندن بېخبر قاله‌یاتگنینی» تأکیدله‌دی.
آیت‌الله واعظزاده بهسودی بوندن آلدین هم طالبلرنینگ شیعه‌لرگه نسبتاً سیاستینی بیر نېچه بار تنقید قیلگن. او جاري هجري-شمسي ییل نینگ جوزا آییده کابل‌نینگ غربي قِسمیده قیلگن چیقیشیده طالبلر حکومتی شیعه‌لر نینگ معمالرینی اېشیتیشگه «کر» اېکنینی ایتگن اېدی.
طالبلرنینگ عدلیه وزیرلیگی جاري ییل نینگ اسد آییده کابل نینگ غربي قِسمیده جناب واعظزاده بهسودی باشقروویده‌گی اداره و مدرسه‌نی یاپگن اېدی. بیراق تخمیناً یېتّی کونده‌ن سۉنگ اوشبو مدرسه قَیته آچیلدی.
