اطلاعات روز: د طالبانو د کانونو او پيټروليم وزارت سرپرست شهاب الدين دلاور وايي، چې د پوهنتونونو په فلج کېدو سره يوه ټولنه ښه راتلونکی نه لري.
نوموړي دغه څرګندونې نن (شنبه، ۲۲ د تلې) پکتيا کې د افغانستان اقتصادي پرمختيا په جوړ شوي کنفرانس کې وکړې او زياته یې کړه، چې کوم هيواد او ټولنه کې عصري علوم نه وي هغه ټولنه پرمختګ نه شي کولی.
هغه دغه راز د عصري علومو په معیاري کیدو ټینګار وکړ او ویې ویل چې باید ځانګړې پاملرنه ورته وشي.
په دغه غونډه کې د طالبانو د کورنيو چارو چارسمبالي وزیر بيا وویل، چې واک ته يې د خپل نظام په رسېدو کې چې څومره ستړې کړي، د ابادۍ لپاره يې هم هر ډول قربانۍ ته چمتو دي.
نوموړي له خپلو پلويانو غوښتنه وکړه چې د فلسطين او اسرائيلو په کورنيو چارو کې د نظام په نماينده ګي له لاس وهنې ډډه وکړي.
په ياد کنفرانس کې بيا د پوهنې سرپرست حبيب الله اغا تحصيلي او تعليمي نصاب له هره اړخه اسلامي وباله.
د کانونو او پيټروليم سرپرست په داسې حال کې د تحصيلي او تعليمي مرکزونو په معياري کېدو ټينګار کوي، چې له تېرو نږدې دوه کلونو راهيسې د هيواد نجونې له ښوونځیو او پوهنتونونو بې برخې دي او لاهم نه ده څرګنده شوې چې کله به د يادو مرکزونو دروازې د دوی پرمخ خلاصې شي.