طالبلرنینگ تخار ولایتی امنیه قوماندانلیگی‌نینگ معلوم قیلیشیچه، ولایت‌نینگ روستاق اولسواللیگیده‌گی دیني مدرسه اۉقووچیسینی کلتکله‌گن شخص قۉلگه آلینگن.
تخار ملي رادیو و تلویزیونی مذکور قوماندانلیککه ته‌یه‌نیب خبر بېریشیچه، قۉلگه آلینگن شخص‌نینگ اسمی «قاری کرامت» بۉلیب، او ۲۱یاشده.
طالبلرنینگ تخارده‌گی امنیه قوماندانلیگی مطبوعات سوزلاوچیسی نقیب‌الله مسرور زۉرآورلیکنی صادر اېتگن شخص قاری کرامت اېکنینی، او انیقلنیب، قۉلگه آلینگنینی ایتگن.
اونینگ سۉزلریگه کۉره، قاری کرامت اصلی بدخشان ولایتی‌نینگ کشم اولسواللیگی «سراسیاب شاخدان» قیشلاغیدن بۉلیب، حاضرده تخار ولایتی‌نینگ روستاق تومنیده‌گی «چاغاِیان» قیشلاغیده جایلشگن «سَلمان فارسی» دیني مدرسه‌سیده مدرس صفتیده فعالیت یوریتگن.
سۉنگگی کونلرده اجتماعي ترماقلرده دیني مدرسه‌ده بیر باله‌‌نینگ کلتکلنه‌یاتگنی عکس اېتگن ویدیو کېنگ ترقه‌لماقده. کۉرینیشیدن، باله‌نی کلتکله‌یاتگن مدرس قۉلگه آلینگن شخص بیلن بیر خیل شخصدیر.
اهالی اوشبو حالتنی تنقید قیلیب، زۉرآورلیک صادر اېتگن شخصنی قانوني تعقیب قیلیشنی همده تعلیم مؤسسه‌لریده جسماني و روحي زۉرآورلیککه برهم بېریشنی طلب قیلیشگن.
