طالبلرنینگ مدافعه وزیرلیگی‌نینگ معلوم قیلیشیچه، اوشبو گروه‌نینگ حربي هیئاتی مسکونینگ پیشنهادیگه بناءً روسيه مېزبانلیگیده اۉتکزیلگن «Center-2026 ناملی قۉشمه و استراتژیک حربي مشغولاتلرده اشتراک اېتگن.
بو وزیرلیک هیئت مشغولاتلرنینگ عملي باسقیچلرینی کوزه‌تیشدن تشقری، آغیر قوراللر، اوچووچیسیز اوچیش اپاراتلری، اوزاق مصافه‌گه مۉلجللنگن راکت‌لر، روباتلشتیریلگن تیزیملر و باشقه ایلغار حربي تخنیک کۉرگزمه‌سینی هم تماشا قیلگنینی بیلدیرگن.
طالبلرمدافعه وزیرلیگی هیئت اوشبو سفر دوامیده چین، هندستان، شمالي کوریا، ویتنام، کولمبیا، اۉزبېکستان، تاجیکستان و باشقه بیر قطار دولتلرنینگ حربي نماینده‌لری بیلن ایکّی تامانله‌مه مناسبتلر، حربي تجربه، کسبي تیارگرلیک و قۉشمه همکارلیک مسأله‌لری یوزه‌سیدن مذاکره‌لر اۉتکزگنینی معلوم قیلگن.
حاضرده روسيه طالبلرنی رسماً تن آلگن و اوشبو گروه بیلن همکارلیک تۉغریسیده بیتیم امضاله‌گن یگانه دولت حسابلنه‌دی.
خبر قیلینیشیچه، اوشبو بیتیمگه کۉره، روسيه طالبلرگه مدافعه تخنیک‌لرینی یېتکزیب بېره‌دی.
بیراق طالبلرنینگ مدافعه وزیری یعقوب مجاهد اوشبو بیتیم‌نینگ مقصدینی «حربي-تخنیکي» همکارلیک دېب اته‌گن.
