طالبلر عامه‌وي اخبارات واسطه‌لری کابل–هرات عمومی قتناوو یۉنه‌لیشیده ۳۲ میلیون افغاني مبلغ حسابیگه مسجد قوریلیشی یکونلنیب، فایده‌لنیشگه تاپشیریلگنینی خبر قیلدی.
باختر اخبارات آژانسی خبریگه کۉره، اوشبو مسجد طالبلر رهبری فرمانیگه اساسن فراه ولایتی‌نینگ گُلستان اولسواللیگیده قوریلگن.
طالبلر رهبری کۉرسه‌تمسیگه بناءً، کابل–هرات عمومی قتناوو یولی‌نینگ هر ۷۰ کیلومتریده برچه ضرور شرایطلرگه اېگه مسجد قوریلیشی رېجه‌لشتیریلگن. عموماً آلگنده، اوشبو یۉنه‌لیشده ۱۴ ته مسجد قوریله‌دی. حاضرگچه طالبلر فواید علامه وزیرلیگی بیر نېچه مسجد قوریلیشی یکونلنگنینی معلوم قیلگن.
حشمتلی مسجدلر عمومی قتناوو یۉللرده قوریله‌یاتگن بیر پیتده، افغانستان یۉللری‌نینگ ۹۰ فایزدن آرتیغی توپراق و معیارلرگه جواب بېرمه‌یدیگن حالتده.
هر کونی مملکتده آدملر هلاک بۉله‌یاتگن آغیر ترافیک حادثه‌لری حقیده خبرلر بېریلماقده. فقط بوگون‌نینگ اۉزیده تورلی ولایتلرده کمیده آلتی کیشی نینگ هلاک بۉلگنی حقیده خبر بېریلدی.
یۉللرنینگ یراقسیز حالتی آغیر ترافیک حادثه‌لری‌نینگ مهم سببلریدن بیری صفتیده کۉرسه‌تیلماقده.
