«افغانستان ملي قرشیلیک جبهه‌سی» بدخشان ولایتیده اوشبو جبهه تامانیدن اویوشتیریلگن هجومده طالبلرنینگ فیض آبادده‌گی استخبارات اداره‌سی اۉرین‌باسری ایکّی نفر قۉریقچیسی بیلن بیرگه اۉلدیریلگنینی معلوم قیلدی.
اوشبو جبهه بیاناتیده ایتیلیشیچه، «مقصدلی عملیات» بوگون (یک‌شنبه، ۱۲ میزان) اېرته‌لب ساعت ۹:۳۰ده فیض آباد شهری‌نینگ ۶-ناحیه‌سیده عملگه آشیریلگن.
جبهه هجوم قنده‌ی عملگه آشیریلگنی حقیده معلومات بېرمه‌گن. بوندن بیر نېچه ساعت آلدین بدخشان مرکزیده پارتلش صادر بۉلگنی حقیده خبرلر ترقه‌لگن اېدی.
طالبلر حاضرچه اوشبو خبرلر و «افغانستان ملي قرشیلیک جبهه‌سی» نینگ دعواسیگه مناسبت بیلدیرگنیچه یۉق.
تیناوون کېچقورون طالبلرگه یقین فایده‌لنووچیلر شه‌ه محمد اسملی شخص بدخشان مرکزیده طالبان کوچلری تامانیدن اۉلدیریلگنینی دعوا قیلگن اېدی. اولر نینگ ایتیشیچه، شاه محمد «افغانستان ملي قرشیلیک جبهه‌سی» قوماندانی بۉلگن. طالبان رسميلری بو باره‌ده حاضرچه هېچ نرسه دېمه‌گن. «افغانستان ملي قرشیلیک جبهه‌سی» هم اوشبو خبرلرگه مناسبت بیلدیرمه‌گن.
