طالبلرنینگ هیرات ولایتیده‌گی امر به معروف و نهي از منکر اداره‌سی بو ولایتده ورّه‌ک سوداسی و او بیلن اۉینا‌ش اوچون ضرور واسطه‌لرنی ساتیش همده ورّه‌ک اوچیریش تعقیقلنگنینی اعلان قیلدی.
طالبلرنینگ هراتده‌گی امر به معروف و نهي انگر منکر اداره‌سی باشلیغی عزیزالرحمن مهاجر نینگ ایتیشیچه، بو تعقیق فقرالر نینگ «تکراري مراجعتلری» اساسیده جاري اېتیلگن.
او قۉشیمچه قیلیب، اوشبو اداره محتصبلریگه شهر بۉیلب ورّه‌ک و اونینگ ایپینی ساتیش‌نینگ آلدینی آلیش بۉییچه کۉرسه‌تمه بېرگنینی ایتدی.
اونینگ سۉزلریگه کۉره، ورّه‌ک ساتیش و جماعت جایلریده ورّه‌ک اوچیریشنی تعقیقلش تۉغریسیده‌گی قرار اهالی‌نینگ تکراري شکایتلری و مراجعتلریدن سۉنگ قبول قیلینگن.
اونینگ ایتیشیچه، ورّه‌ک اوچیریش و اونینگ ایپیدن فایده‌لنیش اَیریم حاللرده ترافیک حادثه‌لریگه، فقرالرگه بېزاوته‌لیک یېتکزیلیشیگه و باله‌لر نینگ جراحتلنیشیگه سبب بۉلگن.
طالبلر افغانستان‌ده حاکمیتنی بیرینچی بار باشقرگن دوریده، ۱۹۹۶–۲۰۰۱-ییللرده هم ورّه‌ک اوچیریشنی تعقیقله‌گن اېدی.
بو گروه سۉنگگی بېش ییل دوامیده مملکتده کېنگ ترقه‌لگن کۉپلب کۉنگیل‌آچر مشغولاتلر، محلي و عنعنوي اۉیینلرنی تعقیقله‌دی. شونینگدېک، شهرلرده کېنگ ترقه‌لگن اَیریم اۉیین و کۉنگیل‌آچر مشغولاتلرنی، جمله‌دن، پېترده آتیش و ورّه‌ک اوچیریشنی «خوفسیزلیک» مسأله‌لرینی وجه قیلیب تعقیقله‌گن.
