سعوديه عربستانی‌نینگ ملکی هوا خدمت‌لر اداره‌سی یمن‌نینگ حوثیلری تامانیدن اوشبو مملکت پایتختیده‌گی قیرال خالد خلق‌ارا قونالغه‌سیده اویوشتیریلگن هجوملرده اوچ کیشی هلاک بۉلگنی و بیر نېچه کیشی یره‌لنگنینی معلوم قیلدی.
اوشبو اداره بوگون (جمعه، ۱۷ـ میزان) بېرگن معلوماتگه کۉره، هلاک بۉلگنلر نینگ اوچه‌له‌سی هم سعوديه فقرالری بۉلگن، یره‌لنگنلر اېسه تورلی دولتلر فقرالریدیر.
اداره بیاناتیگه کۉره، حوثيلر کېچه قیرال خالد خلق‌ارا قونالغه‌ده ایکّی مرته هجوم قیلگن. بیرینچی هجومده میدان انشااتلری، ایکّینچی هجومده اېسه سعوديه هوا یوللری شرکتیگه تېگیشلی اوچاق نشانگه آلینگن.
حوتيلر شو هفته نینگ دوشنبه و سه‌شنبه کونلری هم سعوديه عربستانیده‌گی قیرال خالد هوا میدانی همده «ابها» میدانیگه هجوم قیلگن اېدی.
اۉشه پیتده سعوديه عربستانی ملکی خدمت‌لر هوا یوللری اداراه‌سی ابها هوا میدانیگه قیلینگن هجومده مراکش و جزایر فقراسی بۉلگن ایکّی عیال هلاک بۉلگنی، ینه ۲۸ کیشی یره‌لنگنینی معلوم قیلگن.
شونینگدېک، اداره قیرال خالد هوا میدانیگه قیلینگن هجومده بیر سودان فقراسی هلاک بۉلگنی و ینه سکّیز کیشی یره‌لنگنینی بیلدیرگن.
سعوديه عربستانی باشچیلیگیده‌گی ائتلاف‌نینگ یمنده‌گی حوثیلر موضعلریگه هجوملری کوچه‌ییب باره‌یاتگن بیر پیتده، اوشبو گروه سعوديه عربستانیده‌گی میدانلرگه هجوملرینی هم کۉپه‌یتیرماقده.
