بیرلشگن عرب امیرلیکلری باش قاره‌لاوچیسی فلای‌دوبی هوا یوللر شرکتی نینگ ایکّینچی اوچووچیسی ۲۰۰۱-ییل ۱۱-سپتمبر هجوملریدن الهاملنیب، اوچاقنی «بېن-گوریان» هوا میدانیگه اوریب یوباریشنی رېجه‌لشتیرگنینی معلوم قیلدی.
بیرلشگن عرب امیرلیکلری باش‌قره‌لاوچیسی حمد سیف شامسی جمعه کونی (۱۷ میزان) دستلبکی تېرگاو نتیجه‌لری گماندار «آلدیندن رېجه‌لشتیریلگن ترورچیلیک رېجه‌سی» اساسیده حرکت قیلگنینی کۉرسه‌تگنینی بیلدیردی.
باش‌قره‌لاوچی بیاناتیده ایتیلیشیچه، گماندار اوچاقنی باشقرووینی قۉلگه آلیب، خودکوشلیک هجومی آرقه‌لی اونی تېل-اویوده‌گی «بېن-گوریان» اېر‌پورتی نینگ یۉلاوچیلر تېرمینالیگه اوریب یوباریشنی رېجه‌لشتیرگن.
تېرگاو نتیجه‌لریگه کۉره، گماندار اوّل ایکّی مرته تل‌آویی‌گه اوچاقده اوچیب باریب، پرواز یۉنه‌لیشی و هوا میدانی بیلن تنیشگن. کېین اېسه ۲۰۲۶-ییل ۳۰-سپتمبر کونی تل آوی‌گه قیلگن اوچینچی پروازی وقتیده اۉز رېجه‌سینی عملگه آشیریشگه اورینگن.
حمد سیف شامسی تېرگاوچیلر ۲۹ یاشلی گماندار نینگ مفکوروي قره‌شلری و کسبي فعالیتینی اۉرگنگنینی ایتدی. او عیبلنووچی نینگ اسمینی آشکار قیلمه‌گن، بیراق اَیریم خبرلرده او عمان فقراسی «هُمام حمّامي» دېب تیلگه آلینگن.
انیقلنیشیچه، گماندار نینگ «اېکسترېمیزم و تروریزم»گه مایللیک بېلگیلری ایلک بار ۲۰۱۷-ییلده، آسترلیاده تحصیل آله‌یاتگن دوریده پیدا بۉلگن.
بیرلشگن عرب امیرلیگی باش قره‌لاوچیسی معلوماتیگه کۉره، او اۉشه دورده «تکفیري» مفکوره تأثیریگه توشگن، اېکسترېمیستیک متنلرنی اۉقیگن همده ترورچی تشکیلاتلر و خودکوشلیک هجوملرینی مدح اېتووچی آنلاین کانتېنتلرنی کوزه‌تگن.
باش‌قره‌لاوچی‌نینگ تأکیدلشیچه، بو تأثیر استه-سېکین اونینگ زۉرآورلیک و تروریزمنی ترغیب قیلووچی غایه‌لرنی قبول قیلیشیگه آلیب کېلگن.
اونینگ ایتیشیچه، گماندار ۲۰۰۱-ییل ۱۱-سپتمبر کونی «القاعده» تامانیدن نیو-یارکده‌گی جهان سودا مرکزی مناره‌لری و پنتاگون‌ده اویوشتیریلگن هجوملردن هم الهاملنگن و اوچاقدن فایده‌لنیب، شونگه اۉخشش اۉپراسیون عملگه آشیریش غایه‌سی اونینگ آنگیده مستحکملنگن.
شامسي‌نینگ قۉشیمچه قیلیشیچه، «عیبلنووچی نینگ اقراریگه کۉره»، او هوا میدانی ساحه‌سیده‌گی کسبنی عیناً شونده‌ی هجومنی عملگه آشیریش مقصدیده تنله‌گن.
گماندار بونده‌ی هجومنی عملگه آشیریشگه اورینیشیدن آلدین «عمان ایر» و «مراکش» هوا یوللری بیلن همکارلیک قیلگن.
او استرالیا نینگ مېلبورن شه‌هریده تحصیل آله‌یاتگن دوریده «رویال مېلباورنې انستیتوتې آف تېچنالاگی»گه قره‌شلی مسجدگه منتظم قتنه‌ب تورگنینی تن آلگن. او شو تشریفلری آرقه‌لی «مراکش» دېب اتله‌دیگن مرکز بیلن علاقه‌دار شخصلر بیلن تنیشگن.
گماندار بو مرکزنی «ابو حمزه» اسملی لیوانلیک اېرکک باشقه‌رگنینی و او «مسلمان برادرلر» بیلن باغلیق بیر اویوشمه تامانیدن قۉللب-قوّتلنگنی ایتیلیشینی بیلدیرگن. شونینگدېک، او تروریزمنی ترغیب قیلووچی ماتریاللرگه تاباره کۉپراق دوچ کېلگنی و خصوصي مربي نظارتی آستیده بوکس بیلن شغللنگنی، شو آرقه‌لی اۉزینی روحي و جسماني جهتدن اوشبو رېجه‌نی عملگه آشیریشگه تیارله‌گنینی ایتگن.
حادثه کونی گماندار اوچاق کپتانی کابین ایچیده بۉلگن پیتده اونی کوتیلمه‌گنده هجومگه اوچره‌تگن و فوق العاده وضعیتلرده ایشله‌تیله‌دیگن بالته بیلن اونگه ضربه بېرگن. کپتان هجومگه قرشیلیک کۉرسه‌تیب، یاردم چقیریشگه حرکت قیلگن.
به‌ه باش پروکره‌توره‌سی قوییده‌گیلرنی معلوم قیلدی:
«قَیتیش رېیسی اوچون تعیینلنگن اوچووچی هم اوچاق بارتیده بۉلگن و هجوم صادر بۉلگن وقتده تصادفه‌ن اوچووچیلر کابینه‌سی یقینیده تورگن. او کابین اېشیگی نینگ غاَیریاددي طرزده قیته-قیته آچیلیب-یاپیله‌یاتگنینی پَیقه‌ب، بوندن شبهه‌لنگن. او کابینه‌گه یقینلشیب، کیریش کودی یاردمیده ایچکریگه کیریشگه حرکت قیلگن. ایچکریگه کیرگه‌چ، گماندار نینگ اوچووچیگه هجوم قیله‌یاتگنینی کۉرگن. او درحال اېکیپاژ اعضالریدن بیری و بیر نېچه یۉلاوچی یاردمیده حرکتگه توشگن. اولر بیرگه‌لیکده جراحتلنگن اوچووچینی قوتقریب، گماندارنی ضررسیزلنتیریشگن. شو پیتده قَیتیش رېیسی کپتانی و اونینگ ایکّینچی اوچووچیسی اوچاق باشقرووینی اۉز قۉلیگه آلیب، پرواز یۉنه‌لیشینی اۉزگرتیرگن و اوچاقنی سه‌وديه عربیستانیده‌گی ته‌بوک اېر‌پورتیگه اېسن-امان قۉندیرگن.»
محکمه طبي اېکسپېرتیزه خلاصه‌سیده اوچووچیگه یېتکزیلگن جراحتلر اونینگ باش قِسمیگه قره‌تیلگنی، یعنی اۉلیمگه آلیب کېلیشی ممکن بۉلگن جراحتلرگه نسبتاً جوده مهم و ضعیف تنه قِسمی نشانگه آلینگنی تصدیقلنگن.
حمد سیف شامسی اوشبو ایش بۉییچه تېرگاو دوام اېته‌یاتگنینی معلوم قیلدی.
