منبعلرنینگ ایتیشیچه، کابل-جلال‌آباد ترافیک یۉلیده یوز بیرگن ترافیک حادثه‌سی عاقبتیده کمیده ایکّی کیشی هلاک بۉلگن، ینه بېش کیشی جراحتلنگن.
منبعلرگه کۉره، اوشبو حادثه بوگون (شنبه، ۱۸-میزان) اېرته‌لب ساعت ۱۰:۰۰لر اطرافیده کابل ولایتی نینگ سوروبی تومنیده‌گی «نغلو» منطقه‌سیده، کابل-جه‌ل‌آباد عمومی قتناوو یۉلیده صادر بۉلگن.
منبعلرنینگ معلوماتیگه کۉره، حادثه‌ده ایکّی دانه «تویوتا» روسوملی اتوموبیل اۉزارا تۉقنه‌شگن.
حادثه‌گه هیداوچیلرنینگ احتیاطسیزلیگی سبب بۉلگنی ایتیلماقده.
طالبان نینگ محلي مسووللری حاضرچه بو باره‌ده ایضاح بېرمه‌گن.
افغانستانده ترافیک حادثه‌لری هر ییلی یوزلب انسانلر نینگ حیاتیگه ضامن بۉله‌دی و یوزلب کیشیلر جراحتلنه‌دی. اوشبو حادثه‌لر نینگ اکثریتیگه هیداوچیلر نینگ احتیاطسیزلیگی، یۉللر نینگ ناسازلیگی و یۉل حرکتی بېلگیلری نینگ یۉقلیگی سبب بۉلیشی ایتیله‌دی.
