ننگرهار ولایتیده‌گی محلي منبعلرنینگ خبر بېریشیچه، طالبلر کوچلری جلال‌آباد شهری‌نینگ ۴-ناحیه‌سیده‌گی «انگورباغ» منطقه‌سیده باستیریب کیریب، اۉنلب عایله‌لرنی اویلریدن چیقریب یوبارگن.
منبعلرگه کۉره، طالبلر کوچلری تیناوون (شنبه، ۱۸-میزان) حربي تانکلر، یېنگیل و آغیر قوراللر بیلن اوشبو حدودگه باستیریب کیریب، عایله‌لرنی اویلریدن چیقریب یوبارگن.
منبعلرنینگ معلوماتلریگه کۉره، بو حدودده‌گی عایله‌لر طالبلرنینگ «افغانستان قیزیل یریم آی جمعیتی» باشلیغی شهاب‌الدین دلاور علاقه‌دار شخصلر اولرنینگ اویلرینی «زۉرلیک بیلن» اېگلّه‌ماقچی اېکنینی و اولرگه اویلرینی بۉشه‌تیش حقیده بویروق بېریلگنینی اَیتماقده.
منبعلرگه کۉره، منطقه اهالیسی اۉزلریده رسمي و قانوني ملکچیلیک حجتلری بارلیگینی همده اۉنلب ییللردن بېری شو یېرده یشب کېله‌یاتگنینی اَیتماقده.
منبعلرنینگ ایتیشیچه، بو حدودده‌گی عایله‌لر سۉنگگی ایکّی کېچه‌ده اویلریدن تشقریده، آچیق هواده اوخله‌گن.
طالبلرنینگ اخبارات و مدنیت اداره‌سی اخبارات بۉلیمی باشلیغی قورېشی بدلون فیسبوکیده‌گی صحیفه‌سیده جلال آباد شهری‌نینگ انگورباغ حدودیده‌گی آدملر اوی قورگن «باسیب آلینگن یېر» اصل اېگه‌سیگه قَیتریلیشینی یازگن.
او بو باره‌ده باشقه تفصیلاتلرنی کېلتیرمه‌گن.
طالبلرنینگ افغانستان قیزیل یریم آی جمعیتیده‌گی باشلیغی شهاب‌الدین دلاور هم حاضرگچه حدود اهالیسی بیلدیرگن دعوالرگه مناسبت بیلدیرمه‌گن.
