اروپا اتفاقی‌نینگ افغانستان بۉییچه ینگی مخصوص نماینده‌سی توماس فریلسن کابلگه تشریفی چاغیده طالبلرنینگ ایچکی ایشلر وزیری سراج‌الدین حقّاني بیلن اوچره‌شیب، طالبلر و پاکستان اۉرته‌سیده‌گی معمالرنی حل قیلیشده منطقوي سعی-حرکتلر نینگ اهمیتی حقیده صحبتلشدی.
طالبلر ایچکی ایشلر وزیرلیگی مطبوعات سوزلاوچیسی عبدالمتین قانع بوگون (دوشنبه، ۲۰-میزان) نشر قیلگن بیاناتیده ایتیشیچه، اوچره‌شووده تامانلر طالبلر نظارتی آستیده‌گی افغانستان و اروپا اتفاقی اۉرته‌سیده‌گی مناسبتلر، افغانستانده‌گی خوفسیزلیک وضعیتی، منطقوي برقرارلیک همده گیاهوند مادّه‌لر سوداسیگه قرشی کوره‌ش مسأله‌لرینی محاکمه قیلگن.
اونینگ قۉشیمچه قیلیشیچه، تامانلر شونینگدېک، قَیتیب کېله‌یاتگن افغانلر حالتی، انسان‌پرورلیک مسأله‌لر همده افغانستان و پاکستان اۉرته‌سیده‌گی معمالرنی حل قیلیشده منطقوي سعی-حرکتلر نینگ اهمیتی حقیده فکر المشگن.
طالبلر ایچکی ایشلر وزیرلیگی مطبوعات سوزلاوچیسی اوشبو اوچره‌شوو حقیده باشقه تفصیلاتلرنی معلوم قیلمه‌گن.
بو توماس فریلسن‌نینگ اروپا اتفاقی‌نینگ افغانستان بۉییچه مخصوص وکیلی صفتیده‌گی کابلگه ایلک تشریفیدیر.
او اگوست آییده وکالتی یکونلنگن فرانسه‌لیک دیپلومات جانشین ژیل برتران نینگ اۉرنینی اېگه‌لله‌گن.
