طالبلر نظارتی آستیده‌گی طبيعي آفتلر بیلن کوره‌شیش اداره‌سی‌نینگ معلوم قیلیشیچه، سۉنگگی بیر ییل ایچیده طبيعي آفتلر عاقبتیده ۶۷۹ کیشی هلاک بۉلگن، ینه ۱۶۴۳ کیشی جراحتلنگن.
بو رقملر بوگون، سه‌شنبه (۲۱-میزان)، «طبيعي آفتلر خوفینی کمه‌یتیریش خلق‌ارا کونی» مناسبتی بیلن نشر قیلینگن.
طالبلرنینگ طبيعي آفتلر بیلن کوره‌شیش وزیرلیگی معلوماتیگه کۉره، سۉنگگی بیر ییل ایچیده طبيعي آفتلر عاقبتیده ۴۴۷۰ ته اوی بوتونله‌ی ویران بۉلگن، ینه ۱۱۶۶۴ ته اوی ضرر کۉرگن.
شونینگدېک، اوشبو اداره معلوماتیگه کۉره، سۉنگگی بیر ییل ایچیده ۴۹۶ ته دوکان، ۱۰۱ ته مسجد، ۲۸ ته مکتب، ۳ته کلینیک، ۳۸۰۸ته بولاق و کاریز، ۱۷۴ف کیلومتر یۉل، ۹۶ته الکتر ترماغی همده ۱۹۵ ته کۉپریک و کۉپریکچه ویران بۉلگن.
بوندن تشقری،۷۷۸۷۴ جریب قیشلاق خۉجه‌لیگی یېرلریده‌گی اېکینلر و ۱۰۴۳۸ ته باغ یۉق قیلینگن، شونینگدېک ۶۸۶۵ ته قویاش پنېلی ضرر کۉرگن.
طبيعي آفتلر بیلن کوره‌شیش وزیرلیگی معلوماتیگه کۉره، جمعی ۴۴۹۱۸ عایله طبيعي آفتلر عاقبتیده ضرر کۉرگن.
طبيعي آفتلر بیلن کوره‌شیش اداره‌سی‌نینگ تأکیدلشیچه، باشقه تشکیلاتلر همکارلیگیده ۱۹۸۲۳۷ عایله‌گه آزیق-طعام و ناازیق-طعام محصولاتلری ترقه‌تیلگن.
شونینگدېک، جمعی۱۳۳۳۸۳ عایله بیر میلیارد ۸۶۸ میلیون افغاني مقداریده‌گی نقد پول یاردمینی آلگن.
اوشبو اداره طبيعي آفتلر خوفینی کمه‌یتیریش یۉنه‌لیشیده ۱۹۶ته آلدینی آلیش لایحه‌سی عملگه آشیریلگنینی، طبيعي آفتلر عاقبتیده ویران بۉلگن ۲۰۵۰ ته اوی ترمیملنیب، قَیته تیکلنگنینی هم بیلدیرگن.
افغانستان سۉنگگی ییللرده هلاکتلی زلزله‌لر و کوچلی سوو تاشقینلریگه گواه بۉلدی.
بو مملکت اقلیم اۉزگریشلری عاقبتلریگه اېنگ ضعیف دولتلردن بیری حسابلنه‌دی.
