آق اوی مطبوعات سۉزلاوچیلریدن بیری امریکا جمهور رئیسی اۉرین باسری جېدی ونسنینگ ایران بیلن تینچلیک مذاکرهلری اوچون سوئیسگه رېجهلشتیریلگن سفری بېکار قیلینگنینی معلوم قیلدی.
رویترز خبر آژانسینینگ خبریگه کۉره، امریکا جمهور رئیسی اۉرین باسری بوگون (جمعه،۲۹ جوزا) اېران بیلن کېلیشوونی امضالش و تینچلیک مذاکرهلرینی باشلش مقصدیده سوئیسگه باریشی کېرهک اېدی.
رویترز معلوماتیگه کۉره، ایران تشقی ایشلر وزیرلیگی ایکّی دولت جمهور رییسلری کېلیشوونی الکترون شکلده امضالهگنیدن سۉنگ، سوئیسده اونی یوزمه-یوز امضالشنی «ضرور اېمس» دېب حسابلهیاتگنینی بیلدیرگن.
امریکا جمهور رییسی دونالد ترامپ و ایران جمهور رییسی مسعود پزشکیان چهارشنبه کونی ایکّی دولت اۉرتهسیدهگی اوروشنی یکونلشگه قرهتیلگن کېلیشوونی الکترون طرزده امضالهگن اېدی.
تامانلر اوشبو کېلیشوونی بوگون سوئیسدهگی «بورگن اشتوک» قرارگاهیده رسمي روشده امضالشی رېجهلشتیریلگن اېدی. بیراق حاضرچه بو مسألهده یکوني کېلیشووگه اېریشیلمهگنی ایتیلماقده.
شونینگدېک، مذاکرهلرده واسطهچیلیک قیلهیاتگن پاکستان باش وزیری شهباز شریف نینگ سوئیس گه سفری هم کېچیکتیریلگنی خبر قیلینماقده. ایران تامانیدن اېسه حاضرگچه بیرار رسمي هیئت سوئیس گه یېتیب بارمهگن.
