ننګرهار کې طالب چارواکي وایي، چې ځواکونو یې یو بار وړونکي موټر کې ۳۵۰ بورۍ امونیم نایتریت او چاودیدونکي توکي نیولي دي.
د ننګرهار ولايت لپاره د طالبانو استخباراتو ریيس ډاکتر بشير تېره ورځ (پنجشنبه،۲۲ د ثور) اطلاعات روز ورځپاڼې ته وویل، چې د ملي امنیت ځواکونو یې دې ولايت کې په يوه بار وړونکي موټر کې ۳۵۰ بورۍ امونيم نايتريت او نور چاوديدونکي توکي نيولي دي.
نوموړی وايي، د یادو توکو د انتقال په تور یې درې کسان هم نیولي دي.
هغه همداراز زیاتوي له نيول شويو کسانو څېړنې روانې دي چې د قانوني اجراتو په موخه به عدلي او قضايي ارګانونو ته ور وپېژندل شي.