اطلاعات روز: ننګرهار کې د اطلاعات او کلتور ریاست مسوولین وایي، د خان عبدالغفار خان «پاچاخان» د کمپلیکس ټول کارونه بشپرشوي دي.
د دې ریاست مشر رحیم الله خوږیاڼي په وینا، د پاچان خان مزار د جوړیدو چارې په ۱۳۹۸ل کال کې د جمهوري ریاست د چارو ادارې له خوا پیل شوې وې.
ښاغلي خوږیاڼي اطلاعات روز ورځپاڼې ته وویل، د پاچا خان د مقبرې په ودانۍ ۵۴ میلیونه افغانۍ لګښت راغلی او چارې یې د لسو میاشتو په موده کې بشپړې شوې.
خوږیاڼی زیاتوي: «د پاچان خان د مزار چارو لس میاشتې وخت ونیوه، چې اوس یې کارونه بشپړ شوي او دا به یو علمي مرکز وي ډیرې فرهنګي غونډې به هم دلته ترسره کیږي.»
نوموړي همداراز له اطلاعات روز ورځپاڼې سره په خبرو کې د پاچا خان مزار د هیواد او کوزې پښتونخوا په کچه د «عدم تشدد» یو مهم مرکز یاد کړ او هیله مندي یې وښوده چې، د دې ودانۍ جوړیدل به دې ولایت ته د سیلانیان تګ راتګ زیات کړي.
خوږیاڼي وویل: « ننګرهار کې دغه دې د پاچاخان مزار هم تکمیل شو، نو هیله شته چې په دې سره له نورو ولایتونو د سیلانیانو تګ راتګ هم زیات شي او دا به خلکو ته یو نوی فکر ورکړي.»
فرهنګیان هم د پاچا خان د مقبرې جوړیدل د نوي ځوانانو د فکري بدلون لپاره مهم مرکز یادوي او هیله مند دي، چې د دې کمپلیکس سره په ټول هیواد کې د عدم تشدد فلسفه لا قوي شي.
لیکوال او ژورنالېست باز محمد عابد اطلاعات روز ورځپاڼې سره په خبرو کې د دې ولایت د اطلاعاتو او فرهنګ ریاست څخه غوښتنه وکړه، چې له دې مرکزه دې د نوي نسل په فکري جوړښت پوره ګټه واخلي.
عابد زیاتوي: «د پاجا خان مرکز نه یوازې د ننګرهار د اوسیدونکو لپاره ښه زیری دی، بلکې دا مرکز به وکولای شي په ټول هیواد کې د عدم تشدد فلسفه لا پیاوړې کړي او ځوانان به هم وپوهیږي چې پاچا خان څوک و؟»
خان عبدالغفار خان چې پښتنو له ډیر مینې «پاچان خان» یاد کړی دوه دیرش کله وړاندې یې په ۱۳۶۷ لمریز کال په پېښور کې ومړ او د خپل وصیت سره سم یې جسد جلال اباد ته انتقال او دلته په خپل پلرني کور کې خاور ته وسپارل شو.
د پاچا خان د مقبرې جوړیدل چې د ډیرو افغانانو ارمان بلل کیده، چې د مزار د چارو پشپړیدا یې په لر او بر کې د ډیرو پښتنو له هرکلي سره مخ شوی او په ټولنیزو شبکو یې د هغه د مزار جوړیدل ستایلي دي.