اطلاعات روز: د پکتيا د ملي امنيت رياست د ښار جوړولو او ځمکو رياست يو تن انجنير د بډو اخيستو پر مهال لاس په لاس نيولی دی.
د دې رياست يوې معتبرې سرچينې د نوم نه اخيستو په شرط اطلاعات روز ته وويل چې ياد کس په پروژو کې د عابد په نوم له يو شرکت څخه د ۱۰۰ زره افغانيو اخيستو پر مهال نيول شوی دی.
هغه وايي چې د دې کار لپاره له وړاندې د ورکول کېدونکو پيسو نمبرونه له دوی سره شريک شوي و.
د ښار جوړولو او ځمکو رييس عبدالرحيم افغان هم دا مسله تاييدوي او د ملي امنيت رياست ياده چاره له فساد سره د مبارزې په برخه کې ګټوره بولي.
افغان وويل چې د ياد انجينير له نيول کېدو وروسته له مسلې خبر شوی، خو زياتوي چې څو دوه ځله يې هغه ته د روڼ کار کولو لپاره رسمي توصيې ورکړې وې.
نوموړي زياته کړه چې په داسې چارو کې کې شرکتونه هم پړه دي او ډېر وخت د هغوی لخوا د ناوړه کار او ځينو نورو عواملو له امله فساد ته لار برابريږي.
دی وايي: «موږ د فساد ضد مبارزې او سم کار ته ژمن يو، په دې برخه کې د هيچا فشار ته نه تسليميږو. موږ د ملي امنيت يا بل هر ارګان، چې د فساد مخه نيسي، ملاتړي يو.»
د پکتيا ملي امنيت ریاست په روان کال کې د پکتيا مستوفيت مالي آمر هم د مالي او د کار او ټولنيزو چارو رييس په مالي او خلاقي فساد نيولي و.