اطلاعات روز: هلمند کې د طالبانو سیمه ییز مسوولین خبر ورکوي چې د دغه ولایت په مرکز لښکرګاه کې د یوې ناچاوده سرګلولې چاودنې له امله یو ماشوم وژل شوی او بل ټپي دی.
هلمند کې د طالبانو د اطلاعاتو او فرهنګ ریاست له لوري په خپره شوې خبر پاڼه کې راغلي، چې یاده پیښه تېره ورځ (جمعه، ۶ د لړم) د مرکز لښکرګاه ښار د دریمې حوزې اړوند «بولان» سیمه کې رامنځته شوې ده.
خبرپانه زیاتوي، چادونه هغه مهال رامنځته شوې چې یادو ماشومانو د یوې ناچاوده سرګلولې سره لوبې کولې.
د دوی په خبره، یو ماشوم وژل شوی او بل ټپي دی، چې ټپي د درملنې په موخه روغتون ته انتقال شوی او وضعيت يې د ډاډ وړ دی.
هیواد کې د تیرو جګړو ناچاوده توکي ډیر کله د عامو خلکو دمرګ ژوبلې سبب ګرځي چې ډیری قربانیان یې ماشومان دي.
