اطلاعات روز: بغلان کې سرچينې وايي، چې د دغه ولايت په نهرين ولسوالۍ کې د ډبرو سکرو د يوه کان نړیدو له امله دوه کارګران مړه شوي دي.
د سرچينې د معلوماتو له مخې، دغه پېښه تېره ورځ (یکشنبه، ۲۸ د لړم) د بغلان نهرين ولسوالۍ د «شيندرې» د ډبرو سکرو په کان کې رامنځته شوې ده.
سرچينه زياتوي، چې د دغو دوو کارګرانو جسدونه لا هم د کان د احتمالي ښوییدو د خطر له امله تر خاورو لاندې دي.
د بغلان د امنيې قوماندانۍ لپاره د طالبانو وياند شېراحمد برهاني وايي، د يادو کسانو د جسدونو را ايستلو هڅې روانې دي.
هغه د کان د نړېدو لامل غیر معیاري کان کيندنه وبلله.
د افغانستان په کانونو کې تر دې مخکې هم ورته پېښې رامنځته شوې دي. د کانونو غیر معیاري استخراج د وژونکو پیښو لامل ګڼل کیږي چې وخت نا وخت د کارګرانو ژوند اخلي.