اطلاعات روز: پنجشېر ولايت کې ځايي سرچينې تاييدوي چې د طالبانو پخوانی قومندان عبيدالله مبارز په شتل ولسوالۍ کې د داعش د غړيتوب په تور نيول شوی دی.
عبيدالله مبارز د پنجشېر ولايت د شتل ولسوالۍ اصلي اوسېدونکی دی. دی په پنجشير ولايت کې د طالبانو د پخواني والي قدرت الله اميني پورې تړلی کس ګڼل کېږي.
مبارز پر پنجشېر د طالبانو تر واکمنېدو وروسته د شتل ولسوالۍ امنيې قومندان وټاکل شو، خو يو څه وخت وروسته بيرته ګوښه کړای شو.
په پنجشېر کې د طالبانو له منځه دوې ځايي سرچينې تاييدوي چې د دې ډلې استخباراتو عبيدالله مبارز درې ورځې وړاندې له شتل ولسوالۍ څخه د داعش د غړيتوب په تور نيولی دی او اوس د استخباراتو په ۴۰ رياست کې بندي دی.
مبارز په تېر حکومت کې هم له وسله والو مخالفينو سره د همکارۍ په تور نيول شوی و او د طالبانو په واکمنېدو سره له زندانه ازاد شوی و.
د مبارز کورنۍ او خپلوانو تر اوسه په دې اړه څه نه دي ويلي.
په پنجشېر کې د طالبانو سیمهيیزو مسوولينو هم تر اوسه په دې اړه څه نه دي ویلي.