د رواني اوونۍ د شنبې په ورځ دارزګان ولايت په مرکز ترينکوټ او ولسواليو کې د پاکستانيو کالدارو پر پیر او پلور بنديز ولګول شوو چې ورسره يو شمير هټوالو په افغانيو اسعارو د توکو نرخونه نور هم لوړ کړل.
د دې ولايت اوسيدونکي د هټوالو د توکو له لوړو قيمتونو څخه شکايت کوي او زياتوي چې ځينو هټوالو نږدې دوه برابره د تيرې اوونۍ په پرتله د توکو قيمتونه لوړ کړي دي.
دوی وايي له يوې خوا اقتصادي ستونزې لري او له بل پلوه يې لوړو نرخونو ژوند نور هم ستونزمن کړی دی.