اطلاعات روز: د ملي امنیت سلاکار حمدالله محب پر طالبانو غږ کړی، چې د هېواد ښوونځي او علمي مرکزونو لړۍ ودروئ، څو افغان ماشومان په مورنۍ ژبه زده کړو ته لاسرسی ولري.
ښاغلي محب نن (یکشنبه، ۳ د کب) پر خپلې فیسبوکپاڼې لیکلي، چې د طالبانو له خوا د ښوونځیو او علمي مرکزونو ورانول د افغان ماشومانو له راتلونکي سره دښمني ده.
نوموړي لیکلي: « د ښوونځیو سوځول او په بمونو ورانول یې په مورنۍ ژبه له تحصیل کولو او د افغان ماشومانو له راتلونکې سره دښمني ده.»
د بېلابېلو راپورونو او د حکومت د ادعاوو له مخې، وسله والو طالبانو په تېرو کلونو کې په بېلابېلو ولایتونو کې ځینې ښوونځي او علمي مرکزونه تر خپل برید لاندې راوستي. د حکومت د ادعاو پر بنسټ په دغو بریدونو کې ګڼ شمېر ښوونځي او علمي مرکزونه وران او زده کوونکو ته په کې مرګ ژوبله اووښتې.
طالبانو بیا بېلابېل وختونه دغه ډول ادعاوې رد کړې دي، خو تر دې مهاله یې د ښاغلي محب دې خبرو ته کوم غبرګون نه دی ښودلی.