د افغان ښځو د فعالانو څلورمه غونډه پنځه ورځې وروسته په هسپانیه کې جوړېږي

د «افغانستان لپاره ښځې» سازمان اعلان کړی، چې د افغان ښځینه فعالانو څلورمه غونډه به د روانې میلادي میاشتې په ۲۲مه او ۲۳مه د هسپانیې په پلازمېنه مادرید کې جوړه شي.

دغه سازمان نن (سې‌شنبه، د لړم ۲۶مه) په یوه خبرپاڼه کې ویلي، چې دا غونډه د هسپانیې د بهرنیو چارو وزارت په همکارۍ او د «حساب‌ورکونې له لارې عدالت او سولې ته د رسېدو په برخه کې د افغان ښځو رهبري» تر سرلیک لاندې جوړېږي.

د خبرپاڼې له مخې، د غونډې موخه یوازې د پیوستون څرګندول او سیاسي ژمنې کول نه دي، بلکې د عملي اقداماتو او دوامدارو لارو چارو موندل دي، څو د افغانستان د راتلونکي او اوسني وضعیت په اړه د پرېکړو په بهیر کې د افغان ښځو معنادار حضور او ګډون تضمین شي.

د «افغانستان لپاره ښځې» سازمان ویلي، چې د دې غونډې په ترڅ کې به د افغان ښځو او نجونو د ملاتړ لپاره د نړیوالو مرستو د راجلبولو په موخه د «یو میلیون لاسلیکونو» کمپاین هم پیل شي او له څلورو ځوانو ورزشکارانو څخه به ستاینه وشي.

ټاکل شوې، چې د هسپانیې د بهرنیو چارو وزیر خوزه مانوئل البارس، د ملګرو ملتونو او نورو نړیوالو سازمانونو لوړپوړي استازي او افغان ښځینه فعالان په دې غونډه کې ګډون وکړي.

دغه سازمان ویلي، چې په غونډه کې به څلور لوړپوړي ګردي مېزونه جوړ شي، چې د افغانستان د ښځو او نجونو پر وړاندې مهمو ننګونو او فرصتونو ته به پکې کتنه وشي.

د خبرپاڼې له مخې، په دغو بحثونو کې به زده‌کړې، اقتصادي پیاوړتیا او د ستونزو پر وړاندې مقاومت، نړیوال عدالت او حساب‌ورکونه، د ښځو د حقونو په اړه اسلامي لیدلوري او په افغانستان کې د سولې د ټینګښت په بهیر کې د ښځو اغېزمن او معنادار مشرتابه شامل وي.

دا غونډه د «زموږ غږ واورئ» تر سرلیک لاندې د هغو غونډو په لړ کې څلورمه ده، چې په تېرو درېیو کلونو کې هم په هسپانیه کې جوړې شوې دي.

د دغو غونډو د همغږۍ او مدیریت چارې د «افغانستان لپاره ښځې» سازمان پر غاړه لري، چې مشري یې د افغانستان د ولسي جرګې پخوانۍ غړې فوزیه کوفي کوي.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
دا مقاله شریکه کړئ
څرگندونې نشته