اطلاعات روز: د طالبانو «د کډوالو ستونزو ته د رسیدو کمیسیون» وایي، چې پرون (جمعه، ۳ د سلواغې) له پاکستان او ایران څخه دوه زره او ۵۱۵ کډوال ایستل شوي او افغانستان ته راغلي دي.
د دې کمیسیون د شمیرو له مخې، د دې کډوالو له ډلې دوه زره او او ۳۸۶ له پاکستان او ۱۲۹ نور له ایران څڅه افغانستان ته راشړل شوي دي.
د طالبانو «د کډوالو ستونزو ته د رسیدو کمیسیون» ویلي، چې دا کسان د تورخم، سپین بولدک، بهرامچې، اسلام کلا او وریښمو پُل له لارو افغانستان ته راستانه شوي دي.
پاکستان او ایران په روان لمریز کال کې د افغان کډوالو نیولو او شړلو ته زور ورکړی او تر دې مهاله یې تر ۲.۵ میلیونو زیات کډوال افغانستان را ایستل شوي دي.
د خوړو نړیوال پروګرام وايي، چې د کډوالو پراخه راستنیدو د افغانستان بحران ژور کړی او بشري اړتیاوې یې زیاتې کړي دي.
نړیوالو سازمانونو له پاکستان او ایران څخه غوښتي چې د افغان کډوالو جبري ایستل او د هغوی ځورونه ودروي.
