په بغلان کې د طالبانو ځايي چارواکو اعلان کړی چې د شمالي سالنګ په ورودي سیمه کې د ۵۸۰ ډوله موټر او یوه ټانکر د ټکر له امله لږ تر لږه پنځه کسان مړه او ۲۰ نور ټپیان شوي دي.
د بغلان د ترافیکو عمومي مدیر، نذیرالله عابدي، ویلي چې دا پېښه نن (جمعه، د لړم ۸مه) د شپې شاوخوا ۲ بجې د شمالي سالنګ په ورودي سیمه کې شوې ده.
هغه زیاته کړې چې د پېښې مړه شوي او ټپیان کسان روغتون ته لېږدول شوي او د پېښې د لامل په اړه څېړنې پیل شوې دي.
په افغانستان کې هر کال ترافیکي پېښې د سلګونو کسانو ژوند اخلي او سلګونه نور ټپیانوي.
د ډېری دغو پېښو لامل د سړکونو خرابوالی او د موټرچلوونکو بېاحتیاطي بلل کېږي.
د طالبانو مشر، هبتالله اخوندزاده، په دې وروستیو کې امر کړی چې د ترافیکي پېښو عاملان دې ونیول شي او مجازات دې شي؛ خو له دې سره سره، هره ورځ د هېواد له بېلابېلو ولایتونو څخه د ورته خونړیو پېښو راپورونه ورکول کېږي.
