د پښتون ژغورنې غورځنګ ۲۰۱۸ کال د جنوري میاشت کې هغه وخت رامنځته شو چې نقیب الله مسید، ځوان سوداګر د کراچۍ ښار کې د پولیسو له خوا ووژل شو. د دې پیښې په اعتراض په لومړي پړاو کې «د مسید ژغورنې غورځنګ» ډېری اسماعیل خان کې را منځته شو او له لږ ځنډ وروسته دا لاریون د پاکستان پلازمینه اسلام آباد ته ورسیده.
د دې غورځنګ یو مشر محسن داوړ پر ټوېټر لیکلي، چې دوی نن سهار (دوشنبه، ۹ د وري) بېرته خوشې شول. منظور پښتین او محسن داوړ پرون هغه مهال چې غوښتل یې د «جاني خېلو» پرلت او لاریون ته لاړ شي، پر لاره د پاکستاني پولیسو له خوا ونیول شول.
د پښتون ژغورنې غورځنګ دغه غونډه چې پرون (جمعه، ۲۰ د وري) د کوزې پښتونخوا سویلي وزیرستان په مرکز واڼه کې ترسره شوه، د دې غورځنګ مشرانو د پاکستان پر حکومت غږ وکړ، چې ژر تر ژره دې علي وزیر ازاد کړي.
له پکتيا، خوست او پکتيکا ولایتونو وروسته نن په ننګرهار او لوګر ولایتونو کې هم د پاکستان حکومت له خوا د پښتون ژغورنې غورځنګ مخکښ غړي علي وزیر د نیول کېدو غبرګون کې لاریونونه وکړل.