مسئولان صحی در ولایت زابل از شیوع بیماری سرخک در ولسوالی سیوری این ولایت خبر می‌هند و می‌گویند که تاکنون چهار کودک جان باخته‌اند.
عبدالحکیم حکیمی، رئیس صحت عامه طالبان در زابل امروز (شنبه، ۱۵ اسد) به روزنامه اطلاعات روز گفت که در روستای «بادین» ولسوالی سیوری ده‌ها نفر به بیماری سرخک مبتلا شده‌اند.
او افزود که شمار دقیق بیماران روشن نیست.
به گفته‌ی او، تیمی از داکتران به ساحه رفته و مرکز صحی سیار ایجاد کرده‌اند.
رئیس صحت عامه طالبان در زابل در عین حال گفت که روند واکسیناسیون آغاز شده تا از گسترش بیماری جلوگیری شود.