در پی وقوع یک حادثه ترافیکی در مسیر شهر قندهار و ولسوالی سپین‌بولدک این ولایت، سه نفر جان باخته و سه نفر دیگر زخمی شده‌اند.
مدیریت ترافیک ولسوالی سپین‌بولدک می‌گوید که این حادثه حوالی ساعت ۴:۰۰ پس از چاشت امروز (سه‌شنبه، ۳ عقرب) رخ داده است.
به‌گفته‌ی این مدیریت، یک موتر سواری نوع «پاسو» با موتر نوع «فیلدر» تصادم کرده و در نتیجه سه نفر جان‌باخته و سه نفر دیگر زخمی شده‌اند.
گفته شده که هنوز هویت قربانیان حادثه و خانواده‌های آنان مشخص نیستند.
کم‌عرض بودن جاده‌ها، عدم رعایت قواعد ترافیکی و تیز‌رانی همواره از علت‌های حادثه‌های ترافیکی بیان می‌شود.