خبرگزاری دولتی خاور تاجیکستان از کشتهشدن سه عضو مسلح گروه «جماعت انصارالله» در منطقهی مرزی با افغانستان خبر داده است.
این رسانه امروز (چهارشنبه، ۱۵ سنبله) در خبری نوشته است که این سه نفر بهتاریخ ۲۹ الی ۳۰ آگست سال جاری بهمنظور انجام اقدامات «تروریستی» در خاک تاجیکستان، در منطقهی کوران درواز خط مرزی با افغانستان را نقض کرده و وارد تاجیکستان شده بودند.
خاور به نقل از کمیتهی امنیت ملی تاجیکستان نوشته است که یک گروه ویژهی ضدتروریستی در محل بسیج شدند و «مسیر حرکت تروریستها» را تحت کنترل گرفتند.
بهنوشتهی خاور، صبح روز سهشنبه، نیروهای ویژهی تاجیکستان از افراد مسلح خواستند که تسلیم شوند؛ اما آنان تسلیم نشده و اقدام به تیراندازی کردند.
این رسانه آورده است که نیروهای تاجیکستانی در این عملیات سه فرد مسلح را کشتهاند.
خاور نوشته است که نیروهای امنیتی تاجیکستان مقدار سلاح و مهمات را نیز از نزد افراد مسلح ضبط کردهاند که «از خاک کشور همسایه منتقل» شده بود.
بهنوشتهی این رسانه، این اسلحه و مهمات شامل سلاحهای امریکایی ام-۱۶ و ام-۴ و دوربینهای دید در شب اند.
خاور آورده است که در نتیجهی بررسی و آزمایش مواد و مدارک ضبطشده و اجساد افراد مسلح، مشخص شده که این افراد از اعضای سازمان «تروریستی جماعت انصارالله و شهروندان تاجیکستان» بودند.
جماعت انصارالله یک گروه اسلامگرای تندرو از شهروندان تاجیکستان است که بهنام طالبان تاجیکستان نیز شناخته میشود.
خاور افزوده است که این اولین بار نیست که اعضای جماعت انصارالله برای بیثباتکردن خاک تاجیکستان تلاش کردهاند. بهنوشتهی خاور، پیش از این در تاریخ ۲۶ اپریل سال جاری دو نفر از اعضای این سازمان نیز بهمنظور انجام اقدامات تروریستی از خط مرزی تاجیکستان و افغانستان عبور کرده و وارد تاجیکستان شده بودند. این نفر نیز کشته شدند.
پیش از این کشورهای آسیای مرکزی، از جمله تاجیکستان بارها ابراز نگرانی کرده که در شمال افغانستان گروههای تروریستی حضور گسترده دارند؛ اما طالبان این نگرانیها را بیاساس میدانند. این گروه در عین حال میگوید که خاک افغانستان برای هیچ کشوری تهدید نیست.
