سازمان پیمان امنیت جمعی اعلام کرده که نمایندگان کشورهای عضو این سازمان در یک نشست، در مورد تقویت بخشهای مرزی تاجیکستان با افغانستان گفتوگو کردهاند.
این نشست روزهای چهارشنبه و پنجشنبه (۲۹ و ۳۰ قوس) به ریاست تاجیکستان و با حضور کارشناسان و نهادهای کشورهای عضو سازمان پیمان امنیت جمعی برگزار شده است.
سازمان پیمان امنیت جمعی گفته است که در این نشست کارگروه سیاست ویژه بین دولتی، برای تقویت بخشهای مرزی تاجیکستان با افغانستان بحث کرده است.
جزئیات بیشتری در مورد این نشست و نحوه تقویت بخشهای مرزی تاجیکستان با افغانستان، منتشر نشده است.
خبرگزاری روسی تاس گزارش داده است که نشست بعدی کارگروه سیاست ویژه بین دولتی این نهاد برای نهایی کردن پیشنویس طرحی در این مورد، در ماه فیبروری سال ۲۰۲۴ برگزار خواهد شد.
سازمان پیمان امنیت جمعی بارها از تهدیدات تروریستی ناشی از افغانستان ابراز نگرانی کرده است.
جنرال آناتولی سیدوروف، رییس ستاد مشترک این سازمان پیش از این گفته بود که آنها در حال اتخاذ تدابیری برای مهار تهدیدات تروریستی از افغانستان است.
