اطلاعات روز: پاکستاني رسنيو خبر ورکړی چې له چاودېدونکو توکو يوه ډک موټرسايل د بلوچستان په برخان سيمه کې لږ تر لږه څلور تنه وژلي او ۱۲ نور يې ژوبل کړي دي.
د جيونيوز له راپور سره سم، پاکستاني پوليس وايي، چې دا چاودنه نن (يکشنبه، ۷ د کب) په راخني بازار کې شوې ده.
د قربانيانو د هويت په اړه څه نه دي ويل شوي.
له دې راپور سره سم، دې چاودنې څو موټرونو، موټرسايکلونو او دوکانونو ته زيان رسولی دی.
د دې چاودنې مسووليت کومې ډلې او يا کس پر غاړه نه دی اخيستی.
عموما په پاکستان کې د چاودنو پړه د پاکستاني طالبانو تحريک، بلوڅ وسله وال او داعش مني.
پاکستان وايي، چې په افغانستان کې واک ته د طالبانو تر رسېدو وروسته په دې هيواد کې بريدونه زيات شوي دي.