اطلاعات روز: د ننګرهار امنیتي مسوولین وایي، د دې ولایت مرکز جلال اباد ښار کې ماین چاودنې د پولیسو او ملکي وګړو په ګډون پنځه تنه ټپیان کړي دي.
د ننګرهار د امنیه قومندانۍ ویاند فرید خان اطلاعات روز ورځپاڼې ته یاده پېښه تائید کړه او ویې ویل، چاودنه نن سهار نن (دوشنبه، ۶ د غویي) شاوخوا اته بجې د جلال اباد ښار لومړۍ ناحیې اړوند عبدالوکیل لېسې مخې ته د پولیسو پر رینجر موټر شوې ده.
ښاغلي خان وایي، په دې چاودنه کې پنځه تنه ټپیان شوي، خو د پولیسو د مرګ ژوبلې په اړه یې څه ونه ویل.
فرید خان زیاته کړه: «چاودنه د پولیسو پر رینجر موټر شوې، چې له امله یې پنځه تنه ټپیان شوي»
اخوا د ننګرهار د سیمه ییز روغتون ویاند ګل زاده سنګر بیا اطلاعات روز ورځپاڼې ته وویل، چې د یادې پېښې له ځایه څخه روغتون ته پنځه تنه ټپیان وروړل شوي چې دوه یې پولیس او درې یې ملکي وګړي دي.
سنګر زیاته کړه: «نن سهار چې کومه پېښه شوې جلال اباد ښار کې رامنځته شوې د پېښې له ځایه پنځه تنه روغتون ته راوړل شوي، چې دوه یې پولیس او درې یې ملکي وګړي دي.»
تراوسه د یادې پېښې مسوولیت چا نه دی منلی.