پاکستان: طالبان یې د نه رسمیت پېژندلو له امله د اکو د وزیرانو شورا غونډې ته نه دي بللي

د پاکستان د بهرنیو چارو وزارت وايي، دغه هېواد طالبان د افغانستان د رسمي حکومت په توګه نه پېژني، له همدې امله یې د سیمه‌ییزې همکارۍ سازمان (اکو) د وزیرانو شورا غونډې ته نه دي بللي.

د پاکستان د بهرنیو چارو وزارت ویاند، سجاد حیدرخان، د جمعې په ورځ (د نومبر ۲۰مه) په اوونیزه خبري غونډه کې وویل، د اکو سازمان د کړنلارو له مخې، د وزیرانو په غونډه کې د ګډون بلنه د کوربه هېواد په واک کې ده. هغه زیاته کړه:

«څرنګه چې پاکستان د افغانستان اوسنی حکومت په رسمیت نه دی پېژندلی، نو په اسلام‌اباد کې د اکو د وزیرانو شورا غونډې ته یې د افغانستان استازی نه دی بللی.»

نوموړي همداراز وویل چې د اکو په سازمان کې د افغانستان غړیتوب ځنډول شوی، خو د دې پرېکړې د دقیقې نېټې په اړه معلومات نه لري.

د پاکستان د بهرنیو چارو وزارت ویاند، تهران ته د اکو د مشرانو د راتلونکې غونډې په اړه، چې د ډسمبر په میاشت کې جوړېږي، وویل چې ځینې هېوادونه طالبان دغې غونډې ته رابولي، خو دا له اوسني بحث سره جلا موضوع ده.

هغه وویل، پاکستان د داسې افغانستان غوښتونکی دی چې له خپل ځان او ګاونډیو هېوادونو سره په سوله کې ژوند وکړي او یو ځل بیا د سیمه‌ییزې همکارۍ سازمان په چوکاټ کې مدغم شي.

سجاد حیدرخان زیاته کړه، د دې کار لپاره اړینه ده چې د طالبانو چارواکي د سیمې د سولې، ثبات او دوامدار پرمختګ لپاره د ګاونډیو هېوادونو مشروع امنیتي اندېښنو ته رسېدنه وکړي؛ په ځانګړي ډول هغه ترهګریز ګواښونه چې د افغانستان له خاورې سرچینه اخلي.

هغه وویل، یوازې پاکستان نه دی چې په افغانستان کې د طالبانو له لوري د ترهګرو ډلو د فعالیتونو د اسانتیا په اړه اندېښنه لري، بلکې د سیمې نور هېوادونه هم جدي اندېښنې لري.

د پاکستان د بهرنیو چارو وزارت ویاند ټینګار وکړ، کله چې دغو اندېښنو ته رسېدنه وشي، نو افغانستان به وکولای شي د اکو د سازمان د یوه فعال او اغېزناک غړي په توګه بشپړ ګډون وکړي.

د اقتصادي همکارۍ سازمان (اکو) د وزیرانو دېرشمې غونډه د روانې اوونۍ د یکشنبې او دوشنبې په ورځو په اسلام‌اباد کې د افغانستان د استازي له ګډون پرته ترسره شوه. په دې غونډه کې د طالبانو د سپین بیرغ پر ځای د افغانستان درې رنګه ملي بیرغ درول شوی و.

بل لور ته، د طالبانو د بهرنیو چارو وزارت د سیاسي چارو دویم رئیس، ذاکر جلالي، اکو غونډې ته د دغې ډلې د نه بلل کېدو په غبرګون کې ویلي:

«د افغانستان له حضور پرته د مانادارې سیمه‌ییزې همپالنې تصور یوه خامه هیله ده.»

هغه زیاته کړې چې د طالبانو استازی تېر کال د اکو سازمان د وزیرانو غونډې ته په اذربایجان کې بلل شوی و او د دغه سازمان د مشرانو راتلونکې غونډې ته هم، چې د ډسمبر په میاشت کې په تهران کې جوړېږي، بلل شوی دی.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
دا مقاله شریکه کړئ
څرگندونې نشته