د هزاره‌وو د نسل‌وژنې او جبري کډوالۍ په اړه مستند اسناد او راپورونه د اروپا پارلمان ته وړاندې شول

یو شمېر مدني او د بشري حقونو فعالانو د هزاره‌وو د نسل‌وژنې، هدفي وژنو، جبري کډوالۍ او د دې قوم د ځمکو او شتمنیو د غصب په اړه مستند اسناد او راپورونه د اروپا پارلمان مرستیال خاوي لوپز ته وړاندې کړل.

دوی په بروکسل کې په دې لیدنه کې له اروپایي ټولنې وغوښتل چې د قومي او مذهبي ځورونو، جبري کډوالۍ او د هزاره‌وو د ځمکو او شتمنیو د غصب د مخنیوي لپاره عملي اقدامات وکړي او د هزاره‌وو د نسل‌وژنې د رسمي پېژندلو ملاتړ وکړي.

د «هزاره‌وو د نسل‌وژنې د درولو نړیوال کمپاین» پلاوي په دې غونډه کې ټینګار وکړ چې د هزاره‌وو د نسل‌وژنې په رسمیت پېژندل باید یوازې په نړیوالو بنسټونو پورې محدود نه وي، بلکې په افغانستان کې باید پر یوې ملي او ټول‌ګډونه غوښتنې بدل شي.

دغه پلاوي همدارنګه د حقیقت موندنې، انتقالي عدالت د تأمین، د جنایتونو د عاملانو او امرکوونکو د حساب ورکولو، د قربانیانو د زیانونو د جبران او د ورته جنایتونو د بیا نه تکرارېدو د تضمین پر اړتیا ټینګار وکړ.

مدني فعالانو ویلي چې د طالبانو تر واکمنۍ لاندې په افغانستان کې هزاره‌وو له سیستماتیک قومي، مذهبي او نژادي تبعیض سره مخ دي.

د دوی په وینا، د هزاره‌وو د کورونو، ملکیتونو او ښارګوټو غصب او د دغو سیمو د اوسېدونکو جبري کډوالول هم هغه موضوعات وو چې د اروپا پارلمان له مرستیال سره په لیدنه کې مطرح شول.

د افغانستان د پناه غوښتونکو، په ځانګړې توګه د هزاره‌وو د خوندیتوب، افغانستان ته د هغوی د جبري بېرته ستنولو د مخنیوي او طالبانو ته د سیاسي مشروعیت ورکولو پر وړاندې مخالفت هم د دې لیدنې له نورو مهمو موضوعاتو څخه وو.

د «هزاره‌وو د نسل‌وژنې د درولو نړیوال کمپاین» په یوه اعلامیه کې ویلي چې دا لیدنه د نړیوالو بنسټونو د ملاتړ راجلبولو، د هزاره‌وو د نسل‌وژنې د رسمي پېژندلو، د قربانیانو لپاره د عدالت د تأمین او د ورته جنایتونو د بیا تکرار د مخنیوي په موخه د هڅو یوه برخه ده.

هزاره فعالان وایي چې په افغانستان کې د دې قوم پر وړاندې ترسره شوي بریدونه د نسل‌وژنې څرګند مصداق دی.

دوی په بهرنیو هېوادونو کې د هزاره‌وو د نسل‌وژنې د په رسمیت پېژندلو لپاره نړیوال کمپاین هم پیل کړی دی.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
دا مقاله شریکه کړئ
څرگندونې نشته