اطلاعات روز: رحمانالله لکڼوال چې د امریکا د ملي ګارد پر دوو سرتېرو په ډزو تورن دی او په دې پېښه کې یو سرتېری وژل شوی، د قتل تور رد کړی دی.
هغه د سې شنبې په ورځ د واشنګټن ډيسي له روغتون څخه په انلاین ډول د محکمې په لومړۍ ناسته کې حاضر شو، څو د لګیدلي تور په اړه خبر شي.
د سي اېن اېن د راپور له مخې، لکڼوال د یو ژباړن له لارې وویل، چې هغه سترګې نه شي خلاصولی او په درد کې دی.
د قضیې لپاره ګمارل شوي وکیل قاضي ته وویل، چې لکڼوال په ټولو تورونو اعتراف نه دی کړی.
هغه تیره اونۍ سپینې ماڼۍ ته نږدې د ملي ګارډ پر دوو غړو په ډزو تورن دی.
د قربانیانو څخه یوه، سارا بیکسټروم، یوه ورځ وروسته د خپلو ټپونو له امله مړه شوه. بل، انډریو ولف، په جدي حالت کې پاتې دی.
یو له قربانیانو څخه سارا بګسټروم، یوه ورځ وروسته د خپلو ټپونو له کبله ساه ورکړه . بل قرباني، اندرو وُلف لا هم په نازک حالت کې دی.
لکڼوال د قصدي قتل او د وژنې په ګډون په څو جرمونو تورن دی.
د تورونو په لیست کې چې د سې شنبې په ورځ خپور شوی، څارنوالانو ویلي لکڼوال د واشنګټن ډيسي د ښار مرکز په شمال لوېدیځ کې د ډزو پر مهال «الله اکبر» چیغه کړې ده.
د ډيسي د عالي محکمې قاضي ریني رېمونډ حکم کړی چې لکنوال تر محاکمې مخکې د ضمانت پرته په توقیف کې پاتې شي.
قاضي ویلي: «هیڅ حالت یا د شرایطو ترکیب په معقول ډول د ټولنې د خوندیتوب تضمین نه کوي.»
ټاکل شوې چې لکڼوال د جنوري په ۱۴مه نېټه په راتلونکې محکمې کې حاضر شي.
هغه په وروستیو څو کلونو کې له خپلې کورنۍ سره واشنګټن ایالت کې ژوند کړی دی.
لکڼوال چې د خوست ولایت اصلي اوسیدونکی دی، د جمهوریت له سقوط دمخه د سي آی اې سره کار کاوه. هغه په ۲۰۲۱ کال کې د طالبانو له واک ته رسیدو وروسته د «متحدینو د ښه راغلاست» پروګرام له لارې امریکا ته لاړ.
