زلمی خلیلزاد، نمایندهی ویژهی امریکا برای صلح افغانستان در جریان سفر منطقهای خود، به تاجیکستان رفته و با امامعلی رحمان، رییسجمهور این کشور دیدار کرده است.
خبرگزاری خاور تاجیکستان گزارش کرده است که این دیدار روز گذشته (سهشنبه، ۱۴ ثور) انجام شده و دو طرف در مورد روند صلح افغانستان و موضوعات منطقهای و جهانی صحبت کردهاند.
امامعلی رحمان در این دیدار گفته است که جریان انکشاف اوضاع در افغانستان و توسعهی روابط چندوجهی تاجیکستان با افغانستان همیشه در محراق توجه دوشنبه قرار دارد.
رییسجمهور تاجیکستان همچنان به حمایت کشورش از تلاشهای دولت افغانستان برای برقراری امنیت و صلح در این کشور تأکید کرده و گفته است که جمهوری تاجیکستان از روند مذاکرات صلح بینالافغانی استقبال میکند.
در همین حال، امامعلی رحمان و زلمی خلیلزاد در مورد اوضاع امنیتی منطقه نیز صحبت کرده و بر لزوم تقویت همکاری در مبارزهی مشترک با تهدیدها و چالشهای مدرن از جمله تروریزم، افراطگرایی، قاچاق مواد مخدر و دیگر جرایم سازمانیافتهی «فراملی» تأکید کردهاند.
دو طرف همچنان گفتهاند که تاجیکستان با استفاده از تمام ظرفیت و فرصتهای موجود، به تلاشهای خود برای کمک به حل مسألهی افغانستان و بازسازی اقتصادی و اجتماعی این کشور ادامه دهد.