نشست سران سازمان همکاری شانگهای با حضور بیش از ۱۵ اشتراککننده، امروز (جمعه، ۲۶ سنبله) در شهر دوشنبه، پایتخت تاجیکستان برگزار شد. در این نشست اما از افغانستان هیچ نمایندهای حضور نداشت.
امام علی رحمان، رییسجمهور تاجیکستان در این نشست بر ایجاد یک دولت فراگیر در افغانستان تأکید کرده است.
به گزارش خبرگزاری رسمی دولت تاجیکستان (خاور)، رحمان گفته است که عملیکردن هر گونه سیستم سیاسی در کابل، بدون در نظرگرفتن افکار عمومی، میتواند عواقب غیرقابل پیشبینی را به دنبال داشته باشد.
رییسجمهور تاجیکستان از جامعه بینالمللی، بهویژه سازمان ملل متحد و کمیته بینالمللی صلیب سرخ خواست که به افغانستان و مردم پنجشیر که دو ماه است در محاصره اند، کمکهای فوری فراهم کنند.
آقای رحمان در این نشست گفته است که تروریسم بینالمللی، افراطگرایی، جدایی طلبی، جنایتهای سازمانیافته فراملی، از جمله قاچاق مواد مخر، جرایم سایبری همچنان تهدیدهای اصلی برای امنیت در منطقهی سازمان همکاری شانگهای هستند.
