منابع مردمی در ولسوالی امام صاحب قندوز از وقوع درگیری میان نیروهای طالبان و مرزبانان تاجیکستان خبر می‌دهند.
یک ساکن ولسوالی امام صاحب که خواست هویت‌اش فاش نشود، امروز (یک‌شنبه، ۲۵ ثور) گفت که این درگیری در نزدیکی بندر شیرخان رخ داده و برای چهار ساعت ادامه داشته است.
به گفته‌ی این منبع، این درگیری در پی تنش لفظی میان نیروهای مرزی تاجیکستان و طالبان رخ داده است. او افزود که اول طالبان شلیک کرده‌اند.
مسئولان محلی طالبان در قندوز این درگیری را تأیید نکرده‌اند. تاجیکستان هم تاکنون در این زمینه چیزی نگفته‌اند.
روابط تاجیکستان و طالبان در اوایل به قدرت‌رسیدن این گروه پر تنش بود.
گفتنی است که نیروهای مرزی طالبان پیش از این هم با همسایه‌های افغانستان درگیر شده‌اند. حکومت این گروه اما تأکید دارد که تنش با کشورهای همسایه به نفع هیچ‌کسی نیست.