وزارت معارف طالبان اعلام کرده است که باشندگان ولسوالی جاغوری غزنی کار ساخت یک مکتب را با هزینه‌ی ۱۳ میلیون افغانی آغاز کردند.
سنگ تهداب این مکتب امروز (شنبه، ۶ ثور) با حضور حبیب‌الله آغا، سرپرست وزارت معارف طالبان به زمین گذاشته شده است.
وزارت معارف طالبان گفته است هزینه‌ی ساخت ساختمان جدید «مکتب صالحی» جاغوری از کمک‌های مردم این ولسوالی پرداخت می‌شود.
این مکتب در روستای «زیرک» ولسوالی جاغوری غزنی ساخته می‌شود.
باشندگان جاغوری پیش از این نیز چندین مکتب، پل، شفاخانه و ده‌ها کیلومتر جاده را با هزینه‌ی شخصی و بدون کمک دولتی، اعمار کرده‌اند.