منابع محلی در پنجشیر می‌گویند که طالبان بستن لنگی را برای کارمندان دولتی این ولایت اجباری اعلام کرده‌اند.
به گفته‌ی منابع، کمتیه‌ی امر به معروف و نهی از منکر طالبان در پنجشیر فیصله کرده است که کارمندان ادارات دولتی باید در جریان کار در این ادارات، لنگی به سر داشته باشند.
منابع می‌گویند که پیش‌تر نیز والی طالبان در جلسه‌ی اداری دستور داده بود که کارمندان هنگام نماز لنگی به سر داشته باشند.
منابع می‌گویند که مقام‌های طالبان هشدار داده‌اند که اگر کارمندان از این امر سرپیچی کنند، زندانی خواهند شد.
طالبان از زمان تسلط دوباره بر افغانستان، محدودیت‌های گسترده بر پوشش و ظاهر شهروندان، از جمله کارمندان دولتی، دانش‌آموزان و دانشجویان وضع کرده‌اند.
این گروه پیش از این دانش‌آموزان مکاتب دولتی برخی ولایت‌ها را مجبور به پوشیدن لنگی کرده‌اند.
