اطلاعات روز: محمد حنیف اتمر، مشاور امنیت ملی ریاست‌جمهوری صبح امروز در راس یک هیأت دولتی وارد تاشکند، پایتخت ازبیکستان شد.
این هیأت دولتی صبح امروز(جمعه، 20 دلو) به منظور گفت‌وگو در باره‌ی پروسه‌ی صلح، امنیت و همکاری‌های منطقه‌یی به ازبیکستان سفر کرده است.
قادرشاه، سخن‌گوی شورای امنیت ملی افغانستان با تایید این خبر گفته است که این یک سفر کاری رسمی است.
رسانه‌های ازبیکستان گزارش داده‌اند که هیأت افغانستان با وزیر خارجه و مقام‌های دولتی این کشور دیدار و گفت‌وگو می‌کنند.
در این سفر میان دو طرف روی برنامه‌ی عملی و آمادگی‌ها برای برگزاری یک نشست بین‌المللی روی «روند صلح، همکاری در بخش امنیت و همکاری‌های منطقه‌یی» بحث می‌شود.
قبل از این وزیر خارجه‌ی اوزبیکستان اعلام کرده بود که در پیوند به روند صلح افغانستان تا یک ماه دیگر در اوزبیکستان یک نشست برگزار می‌شود.
