عبدالله عبدالله، رییس شورای عالی مصالحهی ملی، در ادامهی سفرهای منطقهای خود، قرار است فردا (دوشنبه، ۱ جدی) در رأس یک هیأت رسمی دولتی به تاجیکستان برود.
فریدون خوزون، سخنگوی شورای عالی مصالحهی ملی در تویتی گفته است که آقای عبدالله برای جلب همکاریها و تقویت اجماع منطقهای برای صلح به شهر دوشنبه تاجیکستان میرود.
خوزون همچنان نوشته است که رییس شورای عالی مصالحهی ملی در جریان این سفر با رییسجمهور، نخستوزیر، وزیر خارجه و شماری دیگر از مقامهای دیگر تاجیکستان دیدار و گفتوگو خواهد کرد.
عبدالله پیش از این برای جلب همکاریها و تقویت اجماع منطقهای برای صلح افغانستان به پاکستان، هند، ایران، ازبیکستان و ترکیه نیز سفر کرده بود.