خواجه محمد آصف، وزیر دفاع پاکستان در دیدار با همتای تاجیکستانی خود گفته است که پاکستان و تاجیکستان بهعنوان همسایههای افغانستان با چالشها و تهدیدهای امنیتی مشابهی روبهرو اند.
به گزارش رسانهی اکپسرس تریبون، شیرعلی میرزو، وزیر دفاع تاجیکستان همراه با هیأتی به اسلامآباد سفر کرده و با خواجه محمد آصف، وزیر دفاع پاکستان دیدار و گفتوگو کرده است.
پاکستان به تاجیکستان اطمینان داده است که به ارائهی کمک در زمینه ظرفیتسازی اطلاعاتی و اشتراکگذاری تخصص فنی با نیروهای مسلح تاجیکستان ادامه خواهد داد.
وزیر دفاع پاکستان تأکید کرده است که پاکستان و تاجیکستان بهعنوان همسایههای افغانستان با چالشها و تهدیدهای امنیتی مشابهی روبهرو اند.
وی افزوده است که پاکستان به حل مسالمتآمیز همه مسائل اعتقاد دارد و از تلاشهای تاجیکستان برای صلح و ثبات در منطقه قدردانی میکند.